BOTULI Psychicorum

BOTULI Psychicorum

apud Tertullian. adv. Psychicos, Quomodo enim protegam castitatem et sobrietatem sine taxatione adversariorum? Quinam isti sint, semel nominabo, exteriores et interiores botuli Psychicorum: Interiores, sunt ventris, qui ingluvie implentur et sobrietati bellum indicunt; exteriores, qui extra ventrem prominent, et opeantur castitati contraria. Quibus verbis Psychicos taxat, tauquam parum sobrios et parum castos. Est autem Botulus, Graece φύςκη, crassum intestinum, quod farciebatur; et tralatitie, pars illa, quâ viri sunt. Unde Ptolemaeorum unus Physcon dictus est, uti vidimus, quod propensioris naturae esset: Idem et Λάθουρος, ex particula intensiva λα. et θούρης, h. e. ἀφροδισιαςτὴς, uti Hesychius exponit, vide Salmas. ad Solin. p. 1242. Hinc Botularii, qui in balneis Veter. frequentes, uti supra diximus, vide quoque infra, Catillamina, Farcimen etc. Addo hîc saltem, non dulciaria solum opera, sed et botulos, farciminave diversis figuris olim confieri consuevisse, uti discimus ex Arnobio l. 2. quem locum vide infra voce Castellamentum. Hinc apud Apicium l. 2. Circelli isiciati, et circelli rotundi. Lucanicae notae ex Martiali, et eodem Apucio, ut alia omittam, Io. a Wower Notis ad Minucium Fel. Christianos vero a Botulis spinilisque abstinuisse, concilii Hierosolym. decretô tamdiu observatô, ex Tertulliano, Eusebio, Aliis, notum est. Vide Desid. Heraldum Animadversionibus ad Arnob. d. l. Unde, inter tentamenta Christianorum, Gentilos solitos suisse admovere ipsis botulos cruore distentos, refert idem Tertullian. Apologet. c. 9. Quam tamen abstinentiam, non tam ad observantiam Legis de sanguine, quam temperantiae studium, retulerim.